A  OPPITU

O poviru paisi derubatu

Ti ficiru perdiri lu decoru;

a nnuja parti cchiu’ di nominata

eri consideratu nu tesoru.

Si levare a Muntana e la Pretura

Si vindiru li Strati e i Campusanti

cchiu’ d’unu ndeppi a villa;o chi calura

a nui ndassaru l’occhi per li chianti.

Ndi futtiru persinu u Vescuvatu

 restava lu Spitali sulamenti

pocu a pocu u dassaru bandunatu

pe favori di amici e di parenti.

Ora che non c’e’ cchju’ciangiumu tutti

E protestami ma non sevi a nenti;

cu potiva e non vorzi,sindi futti

dilli nottati in biancu e di lamenti.

Sbigghjati Mamertinu di nottati

Apri l’occhi se no già ti sdarrupi

Non dari retta a Medici e Abbocati

E sopratuttu alli Pupari e a i pupi.

A nnui ndi resta sulu la memoria

Di scandali, intrallazzi e robbamenti

chista ormai è la to  tristi storia

chi tramandata a li futuri genti.

ANONIMO MAMERTINO