Na valicia di cartuni

                                                        Tanti sogni e n’illusioni

                                                        Di trovari a me strata

                                                        Pregu u sugnu fortunata.

                                                        Chistu trenu chi mi chiama

                                                        Da me terra m’alluntana

                                                        E chjiù fugli e chjiù s’avvia

                                                        N’umbra è ormai a famigghia mia

                                                        Ora sugnu nta na terra

                                                        Chi non manca di lavuru

                                                        Ma d’ottobri finu a marzu

                                                        Nui campamu nda lu scuru.

                                                        Cca non nc’esti l’Aspromunti

                                                        Chi s’affaccia nte du mari

                                                        E u me cori è ndo turmentu

                                                        Cca’, avundi guardu c’è cimentu.

                                                       Comu a mia tanta atra genti                         

                                                        Du paisi sindi vaci

                                                        Cui chi treni cui chi navi

                                                        Abbandunammu i nostri casi.

    Cca dassammu li famigghi

                                                        I mammi i patri,mugghieri e figghi

                                                        Pe nu tozzulu di pani

                                                        Ndindi jimmu assai lontani.

                                                        Na promessa nda lu cori

                                                        Chi non resta sulu a paroli

                                                        “PRIMA O POI CCA’RITORNAMU”!!

                                                        E a promessa a mantenimu.

                                                        Pe la festa da NUNZIATA

                                                        Mo’ ritornu o me paisi

                                                        È na festa assai apprezzata

                                                        E i l’OPPITISI tantu amata.

                                                        Natra festa si avvicina

                                                        E nd’aspetta già i matina

                                                        Ndi riunisci tutti quanti

                                                        Esti a festa ill’EMIGRANTI.

                                                        Cca tornamu tanta genti

                                                        Simu tutti l’emigranti

                                                        Mu l’inchimu stu paisi

                                                        Tra li lacrimi e i sorrisi.

                                                        Simu cca pe festeggiari

                                                        Chi perenti e chi cotrari

                                                        E tra soni balli e canti

                                                        Viva tutti l’emigranti .

                                                        Ringraziamu u comitatu

                                                        Chi sta festa  organizzau

                                                        Nda persona i Carlu Frisina

                                                        Viva oppitu mamertina

LEE

Oppido Mam. 08/08/07

Un ringraziamento particolare per la gentile collaborazione ad un caro amico