( l’ombra cantarina )

 

“BLUBLEBLU... BLUBLEBLA`...

MA CHI CAGLJIU CI FAZZU CA`!!

 

Pennu cosu curiusu,

sugnu statu na ura davanti allu soi portusu!

Cu li gambi trema trema,

senza u sacciu mancu cu era!

Mentri, di luntanu per la via

si sentiva cantari na canzuna mia:

 

“BRUBLEBLU...BRUBLEBLA` ...

MA CHI CAGLJIU CI FAZZU CA`!!”

 

Mavvicinai di chjiu a chijia via

E na unbra, mi parzi ca vitti a mia!

Spaventatu mi mucciai, strittu strittu a lu barcuni,

E trovai nu pocu i largu tra i colonni di lu portuni!

Strittu strittu d’arretu all’umbra, pariva ca non mi vidiva nujiu,

Ma jia vuci sempr’intonata, continuava a cantava d’arretu di lu bujiu!

 

“BRUBLEBLU...BRUBLEBLA`...

MA CHI CAGLJIU CI FAZZU CA`!!”

 

Mi vestia di coraggiu, mu mavvicinu nu pocu i chjiu,

distaccandumi d’arretu ill’umbra, natru passu fici i chjiu.

Offuscata, chija umbra m’appariva,

E sempri nu pocu i paura a mia mi mettiva!

Chianu chianu m’avvicinai, quasi quasi d’arretu i dijiu

E vidia, chjiu i na umbra chi cantavanu assiemi addijiu:

 

“BRUBLEBLU...BRUBLEBLA`...

MA CHI CAGLJIU CI FAZZU CA`!!”

 

Per li strati e per li vii jivunu a tira lazzu

Strambonandu,  attaccati erunu l’unu cu l’atru sutta brazzu,

Cu  a destra e cu a sinistra si tirava

sperdendu li so tracci chi arretu dassava.

Tanti cercammu u mi rrivamu e, poi cundannandu....

Ma iji sempri chiu avanti jivanu cantandu:

 

“BRUBLEBLU... BRUBLEBLA`...

MA CHI CAGLJIU CI FAZZU CA`!!”

 

Per tutti li vii zitti zitti

cercarunu a poco a vota u caminunu dritti dritti!

S’avvicinaru a lu portuni

mu mi fannu nu bellu rimproveruni!

Ma la so facci non la vidi!...

E chi atru vi pozzu diri!?

 

“BLUBLEBLU... BLUBLEBLA`...

MA CHI CAGLJIU CI FAZZU CA`!!!”

 

28 febraio 2010

 

Saverio Raccosta